Ukraina ka rimarrë 2000 kilometra katrorë territor, thotë Zelenski

Presidenti ukrainas, Volodimir Zelenski deklaroi se forcat ushtarake kanë rimarrë mbi 2,000 kilometra katrorë territor pas një kundërofensive ndaj forcave ruse në lindje të vendit.

Nëse deklarata e Zelenskit konfirmohet, kjo do të thotë se forcat ukrainase kanë më shumë se dyfishuar rimarrjen e territorit në pak më shumë se 24 orë, shkruan BBC.

Përparimi i shpejtë i Ukrainës bëri që trupat të hynë në qytetet kryesore të Izyum dhe Kupiansk të shtunën.

Zyrtarët në Kiev thanë se forcat ukrainase po luftonin ende për të fituar kontrollin e një numri vendbanimesh rreth Izyum, ndërsa shtuan se më shumë se 30 qytete dhe fshatra janë rimarrë në rajonin e Kharkiv.

Ministria ruse e mbrojtjes tha më pas se trupat e saj janë tërhequr nga qyteti i Izyum për t’i lejuar ata “të rigrupohen”.

Gjithashtu, ministria konfirmoi tërheqjen e trupave nga një tjetër qytet kyç, Balaklyia, në mënyrë që të “forcojë përpjekjet” në frontin e Donetsk.

LEXONI GJITHASHTU

• Kuleba: Ukraina mund ta mposhtë Rusinë, por na duhen më shumë armë
• Tërhiqen forcat ruse, Ukraina merr qytetet kryesore në lindje