“Ukraina nuk veproi vetëm”, koloneli: Ja kush e realizoi sulmin ndaj Rusisë

Ukraina kreu të dielën një nga sulmet më të mëdha me rreze të gjatë veprimi kundër Rusisë që nga fillimi i luftës, duke përdorur një flotë prej 117 dronësh për të goditur katër baza ushtarake ruse.

Sulmi, i koduar me emrin “Rrjeta e Merimangës”, u organizua nga Shërbimi i Sigurisë së Ukrainës (SBU) dhe synonte avionët strategjikë rusë.

Koloneli Dritan Demiraj tha në emisionin Now në Euronews Albania se nuk ka asnjë mundësi që Ukraina ta ketë kryer një sulm të tillë e vetme pasi nuk i ka kapacitetet.

Sipas tij, pas sulmit të mirorganizuar të Ukrainës ndaj bombarduesve rusë qëndron NATO.

“Ky sulm nuk është realizuar nga Ukraina, Ukraina nuk ka asnjë kapacitet, dihet kush e ka ndihmuar; NATO-ja. Realizimi i këtyre sulmeve kërkon informacion nga hapësira dhe këtë akses e kanë 3 vende, SHBA dhe vendet e saj aleate por në mënyrë të veçantë 5 shtete; Britania e Madhe, Australia, Zelanda e Re, Kanadaja dhe Amerika, si dhe Kina me Federatën Ruse. Dhënia e informacionit, organizimi, planifikimi janë pjesë e një skenarin të NATO-s, skenar i mirëmenduar dhe super ekzekutuar”, tha Demiraj.

LEXONI GJITHASHTU:

• Putin do hakmerret për sulmin me dron të Ukrainës, paralajmëron Trump
• Zelensky thirrje Putinit: Firmos armëpushimin dhe takohemi kur të duash