Ukraina rrëzon 4 raketa ruse

Mbrojtja Ajrore e Ukrainës  rrëzoi katër raketa ruse të lëshuara në qytetin Nikolaev në jug të Ukrainës, njoftoi sot Komanda Operative e Ukrainës në jug.

“Gjatë sulmit me raketa të natës nga deti në jug të Ukrainës, forcat tona të mbrojtjes ajrore rrëzuan dy raketa mbi det, në afrimin e zonës së Nikolaev”, thuhet në deklaratën e Komandës Operative të Ukrainës në jug.

Forcat ruse u përpoqën të rifitonin pozicionet e humbura në dy zona të Nikolaevit, por “pësuan humbje të mëdha dhe u tërhoqën”, thuhet në deklaratën e përditësuar sot nga Shtabi i Përgjithshëm i Forcave të Armatosura të Ukrainës.

Në Kherson, ushtria ukrainase njoftoi se nuk kishte lidhje celulare apo interneti për gjashtë ditë.

Trupat ruse që kontrollojnë qytetin kanë hapur një degë të partisë politike Rusia e Bashkuar ku mblidhen të dhëna nga banorët e qytetit.

Luftime të ashpra po zhvillohen gjithashtu në lagjen Berislav dhe shumë shtëpi, rrugë dhe ura janë shkatërruar, tha ushtria ukrainase.

LEXONI GJITHASHTU:

• Macron tha se Rusia s’duhet të poshtërohet, reagon ministri i Jashtëm ukrainas