Agjencia kulturore e OKB-së, UNESCO thotë se të paktën 53 vende historike, ndërtesa fetare dhe muzetë ukrainas janë dëmtuar ose shkatërruar pjesërisht që nga fillimi i luftës.

UNESCO tha se lista nuk është shteruese dhe ekspertët vazhdojnë të verifikojnë raportet për dëme të tjera.

Dëmtimi i 29 objekteve fetare, 16 ndërtesave historike, katër muzeve dhe katër monumenteve u verifikua duke përdorur imazhet satelitore dhe raportet e dëshmitarëve.

Më shumë se një duzinë prej vendeve janë në Kharkiv, një nga zonat në Ukrainë më të prekura nga bombardimet.

Lista nuk përfshin asnjë informacion për vendet apo ndërtesat në qytetin e rrethuar të Mariupolit.

LEXONI GJITHASHTU:

• Ukraina mohon sulmin mbi depot e naftës në Rusi
• Trupat ruse janë larguar nga Çernobili, thotë Ukraina