United Airlines anulon fluturimet, mijëra njerëz në Londër pa energji elektrike

Zjarri në nënstacionin e Heathrow të Londrës mëngjesin e sotëm ka ndodhur rreth një milje e gjysmë në veri të aeroportit në qytetin Hayes.

Sipas Brigadës së Zjarrfikësve të Londrës, gjysma e një transformatori brenda nënstacionit mbetet e ndezur, me rreth 70 zjarrfikës të thirrur në vendngjarje.

“Ky do të jetë një incident i zgjatur, me ekuipazhe që do të qëndrojnë në vendngjarje gjatë gjithë natës. Zjarri ka shkaktuar një ndërprerje të energjisë elektrike duke prekur një numër të madh shtëpish dhe biznesesh lokale, dhe ne po punojmë ngushtë me partnerët tanë për të minimizuar ndërprerjen”, tha Ndihmës Komisioneri Pat Goulbourne.

Nga ana tjetër, sa i përket anulimit të fluturimeve, kompania ajrore United Airlines me bazë në SHBA tha për BBC se “pas mbylljes, shtatë fluturime të United u kthyen në origjinën e tyre ose në aeroporte të tjera”.

“Fluturimet e së premtes për në Londër Heathrow po anulohen”, shtoi një zëdhënës.

Ata thanë gjithashtu se linja ajrore po punon me klientët e saj për të ofruar opsione alternative të udhëtimit.

LEXONI GJITHASHTU:

• Shpërthen zjarr në një nënstacion të Londrës, mbyllet aeroporti më i madh në Britani
• Turqi| Përleshje mes protestuesve dhe policisë në Ankara, plagosen 6 oficerë