Unitetit perëndimor kundër Rusisë tërhoqi Putinin, thotë diplomati

Diplomati Lisien Bashkurti tha se presidenti i Rusisë Vladimir Putin u ndesh me një reaksion shumë të madh nga Perëndimi.

“Elementi pozitiv u shfaq në fuqizimin e unitetit dhe solidaritetit të faktorëve perëndimorë në qasjen ndaj Rusisë. Ky presion i madh diplomatik që u shfaq nga Perëndimi ka qenë një nga faktorët kryesorë që detyroi Putinin të tërhiqej. Por tërheqja është e karakterit taktik, ofensiva është e karakterit strategjik”, u shpret  Bashkurti.

Ai shtoi se presidenti Putin dhe Federata Ruse “nuk e kanë në mend për një periudhë shumë të gjatë të heqë dorë nga qëndrimi i saj ndaj Ukrainës, Gjeorgjisë”.

“(Putini) do të kontrollojë tërësisht Detin Azov dhe të rrisë dominimin e kontrollit mbi Detin e Zi”, tha ai duke shtuar se kjo gjeopolitikë është “jetike” për Rusinë nëse ajo do të bëhet fuqi botërore.

LEXONI GJITHASHTU: 

• Rusia po shton trupat në kufi me Ukrainën, thotë shefi i NATO-s
• Qytetarët rusë në kufi s’besojnë se do ketë luftë me Ukrainën