Uragani Milton trondit Floridan, 2 milionë shtëpi mbeten pa energji elektrike

Stuhia Milton, një stuhi e cila fillimisht u raportua se do të ishte e kategorisë së katërt, me një shpejtësi ere e cila shkon deri në 251 km/h, ka prekur zonat rreth Gjirit Tampa, një zonë me rreth tre milionë banorë.

Megjithëse ka rënë nga kategoria e katërt, niveli i dytë më i lartë i rrezikut, sinoptikanët dhe zyrtarët e emergjencës kanë deklaruar se Milton mbetet një kërcënim vdekjeprurës për komunitetet bregdetare.

Presidenti Biden ka bërë thirrje për evakuim të menjëhershëm për ata që jetojnë në rrugën e stuhisë, duke theksuar se “ndonjëherë lëvizja vetëm disa milje mund të jetë ndryshimi midis jetës dhe vdekjes.”

Miliona banorë të Floridës jugore janë nën urdhra të detyrueshëm për evakuim, megjithatë, një numër i panjohur kanë vendosur të qëndrojnë pas, duke rrezikuar sigurinë e tyre.

Vlerësimi i fundit nga faqja e monitorimit Poweroutage.us është se mbi 2 milionë shtëpi dhe biznese kanë humbur energjinë në të gjithë Florida.

Përveç kësaj, ka shqetësime se mbeturinat nga uragani Helene, i cili goditi të njëjtin rajon më pak se dy javë më parë, mund të kalojnë në ajër për shkak të erërave të forta, duke krijuar rrezik të shtuar për banorët e këtij rajoni.

LEXONI GJITHASHTU:

• VIDEO| Dy tornado goditën Florida-n para uraganit Milton, shtohet rreziku
• Miliona të evakuuar në Florida, afron uragani “Milton”, Biden: Çështje jetë a vdekje