Urgjencat nga vapa, Shiroka: Kujdes i shtuar për të moshuarit e të sëmurët kronik

Korriku po ashtu dhe gushti ka nisur me temperatura të larta, të cilat po pasojnë me numër gjithmonë në rritje të pacientëve që kanë nevojë për konsultën e mjekut.

Diferencat e temperatuarave mes mjedisve të brendshme dhe asaj jashtë po krjon probleme, veçanërisht tek të vegjlit.

“Diferencat e temperaturave shoqërohen shpesh herë, sidomos te bebet, me hundë të zëna, teshtima, rrufë, nuk e përballon dot këtë disnivel”, tha mjekja Bruna Shiroka.

Në këto kushte mjekët kanë vënë në fokus të sëmurët kronik.

“Ata që mjekohen për hipertensionin këshillohet që të modifikohet doza. Të sëmurët diabetikë këshillohet edhe më shumë përdorimi i lëngjeve natyrale, kufizimi i ushqimeve që përmbajnë kalori. Po kështu edhe të sëmurët me probleme pulmonare ku efekti i vapës është shumë herë më i madh, shmangia e ambienteve dhe shtimi i disa lloje medikamenteve që kanë efekt të menjëhershëm”, tha mjekja Bruna Shiroka.

Evitimi i daljes në orët e pikut, mbetet rekomandimi kryesor, ndaj edhe mjekët në këto ditë të nxehta po aplikojnë edhe konsultat me anë të telefonit , për të shmangur daljen e pacientëve jashtë, ndërsa këkrojnë që të bëhët kujdes edhe me ushqimin.

LEXONI GJITHASHTU:

• Vapa ekstreme: Si ndikon tek ilaçet dhe tek personat që i marrin
• Psikiatrja: Pse vapa shton nervozizmin dhe agresivitetin te njerëzit