Ushtria serbe 30 km nga kufiri me Kosovën, ironizon Kurti: Ndotje e madhe e ajrit

Kryeministri i Kosovës, Albin Kurti, ka komentuar këtë të premte stërvitjet e ushtrisë serbe në kufi me Kosovën.

Kurti tha se mbajtja e stërvitjes sulmuese në Peshter të Sanxhakut, 30 km larg kufirit me Kosovëndhe 3 kilometra larg kufirit me Malin e Zi, janë një tregues i përpjekjeve destabilizuese të Serbisë në rajon.

Kryeministri i Kosovës ironizoi stërvitjet e forcave serbe duke thënë që mes të tjerash ato ushtrime paraqesin një ndotje të madhe për ajrin dhe tokën në Sanxhak.

“30 kilometra larg kufirit të Kosovës, në Peshter të Sanxhakut, është duke u zhvilluar dita, mbase kryesore, e ushtrimit të tyre ushtarak të quajtur ‘Vihor 2024’. Ata sot do të bëjnë ushtrime me dronë luftarakë kamikaz dhe vendi ku do të bëhen këto ushtrime përveç se është 30 kilometra larg kufirit të Kosovës është vetëm 3 kilometra larg kufirit të Serbisë me Malin e Zi.Kjo është edhe një dëshmi se Serbia është autoriteti, instanca e faktori kryesor i përpjekjeve destabilizuese për rajonin e Ballkanit Perëndimor dhe paraqet kërcënim për republikën tonë të cilën ata nuk e njohin. Meqenëse jemi këtu me Ministrin e Mjedisit, Planifikimit Hapësinor dhe Insfrastrukturës, mund të themi se këto ushtrime paraqesin edhe ndotjen më të madhe të ajrit e të tokës në Sanxhak”, u shpreh Kurti

LEXONI GJITHASHTU:

• Ushtria serbe mban stërvitjen ushtarake: Kemi lajmëruar dhe KFOR-in
• Marrje në pyetje dhe keqtrajtim, kosovarët rrëfejnë ndalimin në kufijtë e Serbisë
• Ndalimi i qytetarëve dhe policëve të Kosovës në Serbi, reagon DASH