Dy shtetase kolumbiane janë arrestuar nga policia në qytetin e Elbasanit për veprën penale të ushtrimit të prostitucionit.

Vajzat, të moshës 20 dhe 24 vjeçe, u arrestuan nga uniformat blu në një apartament të marrë me qira.

Në pranga përfunduan edhe shtetasit A. T., 25 vjeç, dhe Y. H., 43 vjeç, për shfrytëzim prostitucioni. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.

“Në kuadër të operacionit, u vunë në pranga shtetaset kolumbiane A. P., 20 vjeçe, dhe A. R., 24 vjeçe, për ushtrim prostitucioni. Gjithashtu, u arrestuan shtetasit A. T., 25 vjeç, dhe Y. H., 43 vjeç, për shfrytëzim prostitucioni.

Bazuar në informacionet e siguruara nga inteligjenca policore për një rast të ushtrimit të prostitucionit në një apartament të marrë me qira, shërbimet e Policisë, në kuadër të operacionit të koduar ‘Fee’, kanë ushtruar kontroll në këtë apartament, ku u konstatuan dy shtetaset kolumbiane dhe shtetasit A. T. dhe Y. H.

Vijon puna për dokumentimin e rastit, identifikimin dhe kapjen e shtetasve të tjerë të përfshirë,” thuhet në njoftimin e policisë.

LEXONI GJITHASHTU:

• Presione e dhunë|Shpërbëhet ‘çerdhja’ e prostitucionit në Tiranë, arrestohet kinezja
• Shfrytëzonte vajza të reja për prostitucion, arrestohet pronarja e lokalit në Tiranë