Ushtronin prostitucion në një apartament në Tiranë, arrestohen 2 shtetase nga Kina

Policia e Tiranës ka finalizuar operacionin e koduar “Foleja 6”, i zhvilluar nga Komisariati i Policisë Nr. 3 në bashkëpunim me Prokuroria e Tiranës, për goditjen e një rasti prostitucioni.

Në kuadër të këtij operacioni, u arrestuan dy shtetase nga Kina, H. W., 40 vjeçe dhe K. Sh., 38 vjeçe, të cilat sipas hetimeve ushtronin prostitucion në një apartament të marrë me qira në rrugën Myslym Shyri.

Gjithashtu, autoritetet kanë proceduar penalisht tre shtetas të tjerë, të dyshuar si përfitues nga kjo veprimtari e paligjshme. Gjatë operacionit u sekuestruan shuma parash të dyshuara si të përfituara nga prostitucioni, si dhe dy telefona celularë.

Materialet procedurale i janë referuar Prokurorisë së Tiranës për vijimin e veprimeve të mëtejshme hetimore.