Vajza 12-vjeçe u lidh me 29-vjeçarin, flet e ëma: Kishin 3-vjet që flinin në 1 dhomë

Mirela Bosi, nëna e 12 vjeçares e cila denoncoi djalin e bashkëjetuesit për abuzim seksual ndaj vajzës të saj të mitur, ka dhënë këtë të enjte një deklaratë për mediat.

Ajo tha se prej 3 vitesh vajza e saj e mitur dhe djali i bashkëjetuesit të saj flinin në të njëjtën dhomë.

Nëna e 12-vjeçares shtoi se e ka kuptuar dy muaj më parë që vajza e mitur abuzohej nga 29-vjeçari, pasi i kishte dëgjuar mbrapa derës, por nuk kishte denoncuar pasi kishte frikë nga bashkëjetuesi i saj.

“Ai thoshte e kam si motër por unë e pyesja pasi vajza rinte e mbyllur. E zbulova nga telefoni.  Ai e pranoi ndërsa psikologia më tha sot që ata duhen të dy. Vajza më thotë e kam si vëlla por mendoj se bëjnë lojë me mua.

Prej 3 vitesh ata flinin në të njëjtën dhomë me justifikimin që s’ka dhomë ku të flemë.  Bashkëjetuesi flinte me vajzën e tij të vogël ndërsa vajza ime flinte në një dhomë me djalin e tij.  Pashë fotot që kishin dalë të dy të përqafuar në telefon dhe disa biseda.Vajza nuk ju është nënshtruar kontrolleve mjekësore deri tani.

Nuk më tregon vajza asgjë.  Asnjëri nuk e pranon nga të dy të vërtetën.  E kuptova dy muaj më parë i dëgjova pas derës por nuk denoncova direkt se kisha frikë nga bashkëjetuesi sepse më dhunonte.  Ajo është fëmijë”,-tha nëna e 12-vjeçares.

Kujtojmë se 29-vjeçari nga Vërdova i Pogradecit u arrestua nga policia dy ditë më parë për kryerjen e marrëdhënieve seksuale me të mitur.

LEXONI GJITHASHTU:

• Flet 12-vjeçarja e abuzuar nga 29-vjeçari në Pogradec: Do martoheshim kur rritesha
• Fëmijët nën 12 vjeç pa rrip sigurimi në makinë, gjobiten 12 shoferë