Vajza veterinere: Dashuria për kafshët më shtyu drejt këtij profesioni

Të studiosh për veterinari, nuk është diçka që e dëgjojmë shpesh nga të rinjtë në Shqipëri. Por 16-vjeçarja nga Cërriku, theu çdo tabu, duke u bërë pjesë e kësaj shkolle.

“Që kur kam qene e vogël, kam pas dëshirë që të kujdesesha për kafshët, dhe kur kam marrë vesh që është një shkollë profesionale në Cërrik për drejtimin e veterinarisë kam dëshiruar që pasonin ta ktheja në profesion,” – u shpreh Denada Kanaçi.

Një profesion që zgjidhet më së shumti nga djemtë, nuk e ka stepur, Denadën, për të ndjekur zemrën dhe jo opionin e njerëzve.

“Dua të ushtroj profesionin që kam veterinari, e kam pasur dëshirë, një zgjidhje që e kam bërë vete. Kujdesi fillon që nga kujdesi shtëpiak, por në shkollë tashmë kemi mësuar edhe një kujdes ndryshëm,  i cili është kujdes profesional. Duke filluar nga vrojtimi i organeve të brendshme e deri tek mjekimet e plagëve,” – tha 16-vjeçarja.

Drejtoresha e shkollës tregon se ka qenë surprizuese, dëshira e vajzave, për të qenë pjesë e shkollës.

“Kërkesat për arsim profesional kanë ardhur çdo vit duke u shtuar. Në vitin 2016 ne kemi pasur vetëm 1 vajzë në shkollë, sot kemi 26 vajza dhe kërkesat vijnë gjithmonë e në rritje. Kjo për shkak të fushatave sensibilizuese dhe informuese por edhe prioritetit që ju jepet vajzave që zgjedhin të studiojnë në këto drejtime,” – tha Erina Disho.

Nevojat e tregut të punës dëshmojnë që punësimi dhe rezultatet në profesione të ndryshme, nuk varen nga gjinia, por nga talenti, aftësitë dhe formimi i duhur profesional i të punësuarve. Sipas statistikave vetëm në qarkun e Elbasanit janë rreth 42 vende të lira punë për veterinari.

LEXONI GJITHASHTU:

• I moshuari vdiq pas kafshimit nga Pitbulli, arrestohet pronari i qenit
• Teologu Çako: Është mëkat të krijosh një hibrid njeri-kafshë