Vakanca në Kushtetuese, kush janë 3 gjyqtarët më të vlerësuar nga KED

Asim Vokshi, Naureda Llagami dhe Florian Ballhysa janë tre më të vlerësuarit nga Këshilli i Emërimeve në Drejtësi për të pasuar Holta Zaçaj gjyqtare me detyrë edhe kryetare në Gjykatën Kushtetuese.

I pari i renditur me pikët më të lartë është Asim Vokshi gjyqtar i Gjykatës së Lartë me 89.5. E dyta është Naureda Llagami ish kryetarja e Këshillit të Lartë Gjyqsor me 89.3. I treti është Florian Ballhysa ish Komisioneri Publik me 77.83 pikë.

Tre të parët në listën e vlerësimit nga KED do të votohen në mbledhjen e posaçme të përgjithshme të gjyqtarëve të Gjykatës së Lartë. Fituesi do të plotësojë vakancën e krijuar prej marsit pas përfundimit të mandatit të Holta Zaçaj. Votimi i anëtarëve të GJL-ës është i fshehtë.

Pasi miratimit të vendimit të KED-ës për vleresimin me pikë për secilin prej gjashtë kandidatëve, Gjykata e Lartë pritet që brenda pak ditësh të zgjedhë edhe anëtarin më të ri të Gjykatës Kushtetuese me mandat 9 vjeçar.

Me largimin e Holta Zaçaj, trupa “Kushtetueses” do të zgjedhë edhe kryetarin e ri.

LEXONI GJITHASHTU:

• Hovenier: Deklaratat e Kurtit kundër Kushtetueses pezulluan Dialogun Strategjik
• Emërimet në Kushtetuese në fazën finale, KED jep pikët për kandidatët në garë