Vaksina kundër kancerit tek vajzat, Daja: Aplikohet që në moshën 13 vjeç

Përgjegjësia e Programit Kombëtar të Vaksinimit, Rovena Daja u shpreh në një intervistë për Euronews Albania se tashmë po aplikohen tek vajzat vaksinat kundër kancerit.

“Tashmë të gjitha vajzat që në moshën 13 vjeç do të kenë mundësinë të vaksinohen falas me vaksinën e HPV-së. Kjo nuk është një vaksinë e re, është një vaksinë që në botë po përdoret që në vitin 2006 dhe ka dhënë rezultate”, u shpreh znj. Daja.

Ajo sqaroi më tej se të gjitha vajzat mund të vaksinohen në qendrat shëndetësore.

“Programi është i shtrirë gjatë gjithë vitit në luftën kundër kancerit. Ka shumë prindër që ua kanë blerë vajzave të tyre dhe i kanë përdorur. Kemi kërkesa për shumë vajza jo vetëm 13-vjeç, por edhe 14 dhe 15-vjeç”, tha ajo më tej.

LEXONI GJITHASHTU:

• Rovena Daja: Nëse këto dy javë ulet numri i infektimeve, do hapim universitetet
• Manastirliu: Së shpejti vaksina për mbrojtjen e grave nga kanceri i qafës së mitrës
• Paralajmërimi i shkencëtarëve: Virusi që mund t’u rezistojë vaksinave të COVID