Vaksinimi kundër gripit, 270 mijë doza, e kombinuar me vaksinën kundër COVID-19

Në javën e fundit të tetorit ka nisur vaksinimi kundër gripit stinor. Mosha e tretë është kategoria më e riskuar e cila ka ngjallur interes për tu vaksinuar.

“Unë i kam bërë rregullisht vaksinat dhe ato të COVID-it në rregull janë domethënë mbrohesh mirë. Vaksina bën efektin në këto momente. Tetori dhe fillimi i  nëntorit është i mirë. Kombinimi i të dyjavë është gjë e mirë sepse forcojnë njëra-tjetrën edhe rritin imuniteti e personave”, thotë një i moshuar.

“Si shkoi procesi i vaksinimit? Shumë mirë, në rregull. Të vaksinohen të gjithë se vaksinimi të shpëton jetën. Njerëzit duhet të kujdesen vetë për shëndetin e tyre”, u shpreh një tjetër.

Vaksina kundër gripit stinor do të kombinohet njëherësh me vaksinën përforcuese kundër COVID-19.

“Grupi i parë që është vaksinuar ka qenë personeli shëndetësor, më pas janë lajmëruar grupet në risk. Ne jemi aktualisht duke vaksinuar dhe m vaksinë gripi njëkohësisht dhe me vaksinën booster mbartëse të COVID-19. Ka ndikuar shumë mirë, ka më pak raste gjatë dimrit që pacientët të sëmuren në stade më të rënda dhe ka ecur mirë”, theksoi Drejtoresha e QSH-10, Jonida Diko.

270 mijë doza janë shpërndarë në Qendrat Shëndetësore. Kategoritë që e përfitojnë vaksinën falas janë personeli mjekësor, të moshuarit mbi moshën 60 vjeç, të sëmurët kronikë dhe gratë shtatzëna.

LEXONI GJITHASHTU

• Nis vaksinimi kundër gripit
• OBSH: Nuk është koha të shpërfillim COVID-in dhe gripin stinor
• ‘620 sulme në qendrat shëndetësore’, OBSH paralajmëron dimër të ashpër në Ukrainë