Van Gogh ‘zbarkon’ në Itali, ekspozitë në Romë me 50 vepra të mjeshtrit të pikturës

Në Pallatin Bonaparte, një godinë e shekullit të 18-të në Romë, janë ekspozuar 50 vepra të piktorit të famshëm Vincent Van Gogh.

Pikturat janë dhënë hua nga muzeu Krëler Myler në Oterlo të Holandës, që mban dhe koleksionin më të madh të veprave të mjeshtrit të penelëve.

“Përmes veprave të zgjedhura nga muzeu holandez ne përpiqemi të tregojmë historinë e Van Gogh në tërësinë e saj, duke nisur nga vepra e tij e parë në vitin 1881, kur ai vendosi se do të bëhej piktor, kur kuptoi se ky ishte rrugëtimi i tij dhe kur nisi të punonte”- tha Francesca Villanti, kuratore e ekspozitës

Ekspozita, e projektuar në rend kronologjik, i referohet periudhave dhe vendeve ku piktori jetoi dhe përjetoi fazat e ndryshme të karrierës së tij artistike, nga Holanda në Paris, në qytetet Arl, Sën Remi dhe Over syr Uaz, ku i dha fund jetës së tij të mundimshme.

LEXONI GJITHASHTU: 

• “Të rrisim eksportet”, Rama takim me peshkatarët në Durrës: Do ju mbështesim
• 30 ekspertë të huaj e vendas, nisin punën për shpalljen e Vjosës Park Kombëtar