Vapa shton pickimet nga gjarpëri, toksikologia tregon se si duhet të veprojmë

Temperaturat e larta kanë shtuar edhe pickimet nga insektet apo gjarpërinjtë. Në shërbimin e toksikologjisë në QSUT pacientët e pickuar nga gjarpëri, vijnë nga të gjitha zonat, por duket se Elbasani ka rastet më të shpeshta.

“Helmimet më të shpeshta që paraqiten janë ato nga pickimi i gjarprit, merimangat, akrepi. Zona të Shqipërisë së Mesme si Elbasani, kanë pasur raste që për ne janë shumë të vështira për tu trajtuar, kryesisht nga pickimi i gjarprit”, tha Amarda Gashi, Toksikologe në QSUNT.

Pickimet nga gjarpëri janë ndonjëherë të rrezikshme, ndaj mjekët këshillojnë të bëhet kujdes në momentin që ndodh dhe më pas të drejtohemi në spital për ndihme të specializuar.

“Nëse të kafshon gjarpri në këmbë, nuk duhet ta lidhim me fashë, mos ta çajmë apo shpojmë sepse helmi do bëjë ciklin e vet të penetrimit pavarësisht këtyre masave. Përveçse mund të dëmtojmë qarkullimin e gjakut, mund të shkaktojmë dhe infeksion të plagës”, shtoi toksikologia Gashi.

Njëkohësisht për qetësimin e dhimbjeve nga pickimet rekomadohen kompresa me ujë të ftohtë dhe pirja e ilaceve qetësues që mund të merren pa recetën e mjekut.

LEXONI GJITHASHTU:

• Dita Botërore e Trurit, ekspertët diskutojnë sfidat nga problemet e shëndetit mendor
• Vijon zjarri në Malin e Dukatit, 3 zjarrfikës dërgohen në spital pas asfiksimit