Vdekja e foshnjës në Korçë, psikiatrja: E ëma prej 3 vitesh e sëmurë

Psikiatrja Nikolina Bode ka dhënë detaje të reja në lidhje me ngjarjen e rëndë të ndodhur mëngjesin e së hënës në Korçë, ku një foshnjë u gjend e pajetë në shtëpi dhe dyshohet se aktin e rëndë e ka kryer e ëma.

Për emisionin “Sot” në “Euronews Albania”, Bode tha nga informacionet që i dhanë familjarët, mamaja e foshnjës vuante prej 3 vitesh nga probleme të shëndetit mendor.

“E njoha rastin për herë të parë. Nga të dhënat që na kanë dhënë familjarët, gruaja vuante nga problemet mendore prej 3 vitesh. Para një viti i ishte injektuar një injeksion dhe më tej i ishte dhënë terapi orale të cilën nuk e merrte rregullisht”, u shpreh psikiatrja.

Dode shtoi se ajo jetonte me djalin e saj 15-vjeçar i cili gjithashtu vuan nga probleme të shëndetit mendor.

Familjarët e saj e shikonin një herë në dy ose tre muaj dhe e kishin të vështirë që ta mjekonin të bijën e tyre.

Sipas psikiatres, e ëma e foshnjës e identifikonte veten e saj si një person tjetër duke folur në vetën e tretë, çka tregon për probleme të thella të shëndetit mendor. Aktualisht, ajo po trajtohet në spitalin psikiatrik të Elbasanit.

Dode nënvizoi se lindja e foshnjës nuk është bërë me asistencë mjekësore por në shtëpi, teksa shtoi se bashkëshorti ruante marrëdhënie të mira me gruan e tij dhe se është detyruar të emigrojë për shkaqe ekonomike.

LEXONI GJITHASHTU

• Gjendet i pajetë fëmija në Korçë, dyshimet e para
• 20 foshnje po rritën pa prindërit në Ukrainë