Kreu i Partisë së Lirisë, Ilir Meta ka shpërndarë në Facebook një mesazh ngushëllimi për ndarjen nga jeta të ish-deputetit demokrat Gerti Bogdani.

Meta shprehet se është thellësisht i trishtuar për vdekjen e politikanit 44-vjeçar, i cili u nda nga jeta mesditën e kësaj të mërkure për shkak të një ataku kardiak.

Meta shkruan se Bogdani ka krijuar një model pozitiv për të rinjtë gjatë gjithë angazhimit të tij në politik duke i nxitur të jenë pjesë e vendimmarrjes.

Postimi i plotë

“Thellësisht i trishtuar nga lajmi për ndarjen e parakohshme nga jeta të ish-deputetit të Partisë Demokratike, Gert Bogdani.

Gjatë gjithë angazhimit të tij politik, ai krijoi një model pozitiv për të rinjtë duke i nxitur të jenë pjesë e vendimmarrjes.

Ngushëllimet më të ndjera bashkëshortes Edlira, dy vajzave të tij, të afërmve dhe të gjithë bashkëpunëtorëve, për këtë humbje të pazëvendësueshme.

I paharruar kujtimi i tij! Të prehet në paqe!”

LEXONI GJITHASHTU:

• “U takuam pak ditë më parë!” Qafoku rrëfen bisedën e fundit me Gerti Bogdanin
• “Lajm shokues”- Berisha reagon për ndarjen nga jeta të Gert Bogdanit