Veliaj dhe Balla në Kavajë: Demokratët po e braktisin përfundimisht Berishën

Drejtuesi politik i Partisë Socialiste për Qarkun e Tiranës, Erion Veliaj dhe kreu i Grupit Parlamentar të PS, Taulant Balla, zhvilluan një takim me komunitetin librazhdiot të Kavajës dhe Rrogozhinës. Veliaj tha se demokratët po e braktisin masivisht partinë e tyre për shkak të Sali Berishës dhe këtë e treguan në hapjen e fushatës në Stadiumin “Arena Kombëtare”.

“Demokratët kishin vite që dëgjonin ‘Arena e krimit’, ‘Arena e Ndragheta-s’, ‘Arena e mafies’. Pastaj, iu duhej arena, se duhej të bënin një aktivitet dhe në atë moment, Saliu tha: ‘Arena e lirisë’, ‘Arena e demokracisë’, ‘Arena e fitores’! Por, respekt për demokratët. Sepse pasi panë Saliun që e ndërroi pllakën, e lanë tek pullë në mes të arenës, vetëm, me 22 mijë karrige bosh,” – tha kryebashkiaku i Tiranës.

Veliaj shkoi më tej teksa e konsideroi Berishën si makthin e tre brezave.

“U bë gjenerata e pestë që merret me Sali Berishën, që do ta çojë mbrapa vendin. Asnjë njeri nuk meriton të ketë fatin e një fuksi prej Ilir Metës dhe asnjë njeri nuk duhet ta hedhë dëm votën e vet dhe ta lërë qytetin të pistë, të pandriçuar dhe të pa investuar për qejfin e Ilirit dhe Saliut,” – u shpreh ai.

Teksa kërkoi votat për kandidatët e Partisë Socialiste më 14 maj, Veliaj tha se dyshja Berisha-Meta nuk e dinë fare se cilin kanë kandidat në Rrogozhinë dhe Kavajë

“Kur erdhi në Rrogozhinë Saliu nuk e dallonte dot kush ishte kandidati i tij. Ia bënin me gisht se ngatërroi nja 10 vetë, provoi nja 5-6 herë për ta gjetur kë kishte kandidat. Atyre s’iu ka humbur vetëm vula, iu ka humbur edhe fytyra, iu ka humbur dhe emri,” – deklaroi kryebashkiaku.

Votat për të majtët sipas Veliajt përkthehen në vota për investime dhe çuar përpara vendin.

LEXONI GJITHASHTU:

• Veliaj apo Këlliçi? Çfarë mund të ndodhë në 14 maj sipas Meri Shehut
• Veliaj: Lagjja 13 një model, mandatin tjetër investojmë edhe te Kopshti Botanik