Veliaj i jep Çelësin e Qytetit, Ricky Martin: Do flas kudo për shqiptarët

Sot këngëtari me famë botërore Ricky Martin do të mbajë koncertin e tij në sheshin “Skënderbej”.

Kryebashkiaku Veliaj ka pritur artistin në zyrën e tij ku i dhuroi dhe “Çelësin e Qytetit”. Ai shprehu mirënjohjen që këngëtarë të tillë vlerësojnë Tiranën dhe vijnë për performancat e tyre.

“Kemi pasur një stinë latine. Filluam me Enrique Iglesias, Ochoa, Hemingëay Jazz Festival dhe Ricky Martin, qershia mbi tortë. Kur shikon dy gjenerata që, në fakt ashtu si vendi ynë, vend i vogël, kur prodhon një yll të madh, ashtu si dikush që vjen nga Kuba, Puerto Rico, tregon fuqinë e njerëzve të mëdhenj, për të ngritur edhe vendet e vogla e për t’i çuar lart. Jam krenar sepse Ricky është edhe agjent i marketingut të Tiranës dhe i Shqipërisë dhe sot jam vërtet mirënjohës që ke ardhur në Tiranë bashkë me miqtë, për të na dhënë energji pozitive,” – u shpreh Veliaj.

Ndërsa këngëtari i famshëm Ricky Martin falenderoi kryebashkiakun Veliaj për mikpritjen dhe tha se do flasë për shqiptarët dhe energjinë e tyre pozitive kudo.

LEXONI GJITHASHTU:

• “Shqipëri, kemi ardhur”, Ricky Martin mbërrin në Tiranë dy ditë para koncertit
• Gazetarja tregon se sa kushtojnë biletat për Ricky Martin dhe Enrique Iglesias