Veliaj: Rama dhe unë nuk mund të bëjmë prokurorin, SPAK të hetojë 21 janarin

Kryebashkiaku i Tiranës, Erion Veliaj, foli gjatë një interviste të dhënë për Euronews Albania këtë të martë dhe për kallëzimin e bërë në SPAK për 21 janarin nga maxhoranca socialiste.

Veliaj tha se PS kërkon që 21 janari të marrë nga Prokuroria e Posaçme vëmendjen e duhur pasi kemi të bëjmë me vrasjen e 4 njerëzve të paarmatosur në bulevard, të cilët kishin dalë për të protestuar kundër korrupsionit qeveritar.

“Edi Rama as unë nuk mund të bëjë prokurorin dhe për sa kohë ka një provë të re dhe duke qenë se ka pasur ndryshime në sistemin e drejtësisë që nga 21 janari, kemi kërkuar që kjo çështje të marrë  seriozitetin më të lartë”, tha Veliaj.

Kryebashkiaku i Tiranës bëri dhe një rezyme të shkurtër të asaj çfarë kishte ndodhur më 21 janar.

“Në vitin 2011 u organizua një protestë me njerëz të paarmatosur, të cilët nuk u futën në gardhin e kryeministrisë, as në ndërtesë dhe këta njerëz u vranë me plumba në mish. Protesta u organizua se Ilir Meta u kap në flagrancë duke kërkuar dhe duke marrë rryshfet me një nga vartësit e tij. Për të kuptuar se këta njerëz që sot hiqen si vegjetarian të politikës, janë mishngrënësit që nuk i kanë lënë kockë, jo më mish këtij vendi, të cilët jo vetëm kanë keqqeverisur por dhe kanë vrarë për të ruajtur pozitat. Bëhet fjalë për vrasje në bulevard të njerëzve jo të armatosur”, tha Veliaj.

LEXONI GJITHASHTU:

• EKSKLUZIVE/ Artan Hoxha rrëfen takimin dy orë e gjysmë në polici për 21 Janarin
• Hoxha: 5 emrat që duhet të shkojnë në SPAK urgjentisht, nuk kanë këmbyer gjakun