Vëlla e motër në karrige me rrota: Ka njerëz që na shohin ftohtë

Në emisionin People të Flori Gjinit në Euronews Albania ishin në një lidhje direkte Endi dhe Angel Duhanxhiu nga Elbasani, vëlla e motër të cilët janë në karrige me rrota.

Pavarësisht vështërsive të dy janë shkolluar ndërsa Angel është diplomuar, Endi vijon në  vitin e dytë për Ekonomi-Turizëm. Në Ditën Ndërkombëtare të Personave me Aftësi të Kufizuara ata folën për veten e tyre, si ndodhi që janë në karrige me rrota, si e kalojnë kohën e lirë si dhe vështërsitë në jetën e përditshme.

Ata thanë se mësuesit janë sjellë gjithmonë shumë mirë me ta, gjithashtu dhe fqinjët përpiqen ti ndimojnë por kur dalin jashtë në rrugë ka shumë njerëz që mund ti vështrojnë ftohtë.

“Po e ndjejmë një lloj paragjykimi, jo shumë por nuk janë të gjithë që të shohin me sy të mirë”.

Në Shqipëri ekzistojnë gjithsej 6 shkolla speciale për nxënësit me aftësi të veçanta, konkretisht në Elbasan, Tiranë, Durrës, Shkodër dhe Korçë.

LEXONI GJITHASHTU:

• 3 Dhjetori Dita Botërore e Personave me Aftësi të Kufizuar
• I riu ekselent nga Korça: Jam me aftësi ndryshe, nuk punësohem nga institucionet