Vendet e Quint-it kritikojnë Kosovën për refuzimin e zgjedhjeve serbe

Vendet e Quint-it kanë thënë se janë të zhgënjyer me vendimin e Qeverisë së Kosovës për të mos lejuar mbajtjen e zgjedhjeve të Serbisë më 3 prill në territorin e saj.

“Përderisa ne e vlerësojmë qasjen e Serbisë për të gjetur zgjidhje, me zhgënjim të madh ne shohin vendimin e Qeverisë së Kosovës për të refuzuar propozimin konstruktiv të prezantuar nga Quint-i”, thuhet në deklaratën e tyre të përbashkët.

Vendet e Quint-it janë Shtetet e Bashkuara të Amerikës, Britania e Madhe, Italia, Gjermania dhe Franca.

Sipas tyre, “sjellja e Qeverisë së Kosovës nuk është në linjë me vlerat dhe parimet tona dhe do të minojë aspiratat e saj evropiane”.

Quint po ashtu i bëri thirrje Kosovës dhe Serbisë të përmbahen nga çdo veprim dhe retorikë që mund të rrisë tensionet dhe mund të çojë në incidente.

LEXONI GJITHASHTU:

• Zgjedhjet në Serbi, Cakaj: Shqiptarët rrezikonin të humbin Bujanovcin, por e fituan
• Zgjedhjet në Serbi, Shaip Kamberi: Si kurrë më parë që kur u lejua pluralizmi presim 3 deputetë shqiptarë