Vendimi i Gjykatës për Statutin e 2 shtatorit, përfaqësuesi i PD: Nuk ndryshon asgjë

Përfaqësuesit ligjor të Partisë Demokratike, Rezarti Kthupi dhe Indrit Sefa, kanë folur pas vendimit të Gjykatës së Tiranës, e cila

Gjykata e Tiranës ka vendosur sot pezullimin e çështjes për shqyrtimin e kërkesës së kryedemokratit Lulzim Basha, për miratimin e Kuvendit Kombëtar të 2 Shtatorit, duke pranuar kërkesën e grupit të deputetëve të drejtuar nga Gazment Bardhi.

Pas këtij vendimi të Gjykatës, ka ardhur edhe reagimi i përfaqësuesve ligjor të PD-së, të cilët kanë thënë se vendimi nuk ka të bëjë me drejtimin e PD-së, por ishte një formalitet.

Sefa tha se megjithëse Gjykata pezulloi gjykimin e çështjes, PD do të drejtohet me statutin e miratuar në Kuvendin e 2 shtatorit.

Kthupi: “Partia vazhdon të funksionojë me të njëjtat ritme. Ne kërkonim që shqyrtimi të zhvillohej. Ne jemi të sigurtë se dokumentacioni që është prodhuar nga Kuvendi i 2 shtatorit është i rregullt. Kundërshtarët tanë kërkonin çdo gjë tjetër përveç shqyrtimit gjyqësor. Nuk jemi në kushtet e regjistrimit të kryetarit. Kërkesa është regjistrimi i ndryshimeve të Statutit të 2 shtatorit. Ne donim ta çonim këtë shqyrtim deri në fund.”

Sefa: “Në lidhje me organet legjitime të PD, keni vendimmarrje që e kanë ndarë çështjen e përfaqësimit të PD, që njeh kryetar zotin Lulzim Basha. Ke vendimin e KAS-it me të njëjtën vendimmarrje. Kjo është një çështje që në bazë të ligjit, ka një rregull që çdo ndryshim ligjor t’I paraqitet gjykatës. Ne iu drejtuam Gjykatës, por nëse palët e tjera nuk duhen të përballen me argumenta, është puna e tyre. Ne jemi gati të përballemi. Çdo vendimmarje e statutit të PD, është në fuqi për organizimin e brendshëm në PD. Vendimi i sotëm i Gjykatës nuk ndryshon asgjë në funksionimin e PD-së. Ne do të funksionojmë në bazë të Statutit të 2 shtatorit. Në regjistrin e partive politike regjistrohen vetëm ndryshimet. Ne nuk kemi asnjë problematikë në lidhje me vendimmarrjen.”

Por nga ana tjetër, përfaqësuesi ligjor i Grupit Parlamentar të PD-së, të drejtuar nga Gazment Bardhi, është shprehur se ky ka qenë një vendim i drejtë.

Marash Logu: “Gjykata e Tiranës vendosi sot që ëndrra e Lulzim Bashës për t’u bërë kryetar i Grupit Parlamentar të PD-së, kundër vullnetit të demokratëve, do të vijojë të qëndrojë e mbyllur në sirtarin e Lindita Nikollës.”

LEXONI GJITHASHTU:

• Gjyqi për statutin, PD kërkon të shpallen të falsifikuara shkresat e Rithemelimit
• “Detyrim paraqitjeje për Sali Berishën”, reagon Bardhi: SPAK shkeli Kushtetutën