Gjyqi për statutin, PD kërkon të shpallen të falsifikuara shkresat e Rithemelimit

Në Gjykatën e Tiranës po mbahet sot seanca e radhës lidhur me kërkesën e Partisë Demokratike të drejtuar nga Lulzim Basha për të regjistruar ndryshimet statutore që u bënë në Kuvendin Kombëtar të kësaj partie, më 2 shtator të këtij viti.

Avokatët e PD zyrtare kanë kërkuar të deklarohen të falsifikuara tre shkresa të palës tjetër, PD e Rithemelimit dhe PD e Bardhit, aktet e këshillit kombëtar të mbledhur online nga Gazment Bardhi.

“Pretendojmë që provat e mbledhjes së këshillit kombëtar të 29 korrikut kanë akte të falsifikuara, shkresa për mbledhjen dhe procesverbali i mbledhjes”, thanë avokatët e Bashës.

“Pala kërkuese po bën kërkesa të njëpasnjëshme për ta zvarritur procesin. Unë konfirmoj se asnjë prej këtyre akteve për të cilat u ngritën pretendime të jetë në shkelje të ndonjë ligji. Këto kërkesa janë të përsëritura dhe abuzive me qëllim për ta zvarritur këtë proces”, tha Marash Logu, avokat përfaqësues i Bardhit.

LEXONI GJITHASHTU:

• ‘Luftë’ tjetër për vulën? Hasa: PD është një, kush ka kundërshtime të vijë në Kuvend
• “Rithemelimi” kërkon të mos njihet, mbahet seanca gjyqësore për Statutin e PD