“Luftë” tjetër për vulën? Hasa: PD është një, kush ka kundërshtime të vijë në Kuvend

Koordinatori për Teknologjinë e komunikimit dhe digjitalizimit në PD, Endri Hasa ishte këtë të enjte i ftuar në studion e Euronews Albania për të folur rreth mbledhjes së kryesisë të zhvilluar në ditë më parë ku është diskutuar për Kuvendin që pritet të zhvillohet më 2 shtator.

I pyetur nëse do ketë një përsëritje të historisë ku deputetët e Partisë Demokratike të ndarë në grupe të kërkojnë “vulën”, Hasa tha se Partia Demokratike është vetëm një dhe institucionet e saj janë në detyrë.

Ai shtoi gjithashtu se i fton të gjitha ata që kanë kundërshtime apo ide ndryshe për të bërë një Parti Demokratike më të mirë, t’i bashkohen Kuvendit të 2 shtatorit e të diskutojnë atje, pasi sipas tij ajo që është më e rëndësishmja është që Partia Demokratike të ecë përpara.

“Partia Demokratike është një, institucionet e saj janë në detyrë, të gjithë ata që duan t’i thonë vetes se janë Partia Demokratike, bëjnë lojën e qeverisë. Çështja është se ne duhet të ofrojmë alternativë, ne duhet t’u ofrojmë shqiptarëve përfaqësues më të mirë, përfaqësues më të denjë. Gjithsecili duhet të mbajë përgjegjësitë e veta e të reflektojë mbi të kaluarën e tij.

I ftoj këta që kanë debate e diskutime të vijnë të marrin pjesë në kuvendin e datës 2 shtator, këta që kanë kundërshtime dhe ide, të vijnë të flasin, të diskutojnë, të japin alternativën e tyre për një Parti Demokratike më të mirë. Ajo që është më e rëndësishme është që Partia Demokratike të eci përpara”,-tha Endri Hasa.

LEXONI GJITHASHTU:

• Metamorfoza| Apeli i GJKKO lë në burg 6 të arrestuarit
• Ben Wallace jep dorëheqjen si sekretar i mbrojtjes në Britani