Vendimi i Gjykatës së Romës, 12 emigrantët lënë kampin e Gjadrit, nisen për Itali

12 emigrantët të cilët erdhën të mërkurën në Shqipëri, tashmë u kthyen sërish në Itali. Refugjatët u nisën këtë të shtunë me anijen “Guardia costiera” , e cila erdhi në Portin e Shëngjinit rreth orës 8 të mëngjesit.

Gazetarja Ortensa Budlla ka konfirmuar për Euronews Albania se anija me emigrantët është nisur sërish drejt Italisë.

“Janë larguar 12 refugjatët të cilët mbërritën të mërkurën në Shqipëri. Anija “Guardia costiera” mbërriti rreth orës 8 të mëngjesit në portin e Shëngjinit dhe vetëm një orë më pas është bërë e mundur sjellja e emigrantëve nga kampi i Gjadrit në portin e Shëngjinit,  për tu nisur menjëherë drejt Italisë”,-tha gazetarja Ortensa Budlla.

Kujtojmë se ditën e djeshme gjyqtarët e Seksionit të Emigracionit të Gjykatës së Romës kanë vendosur se 12 emigrantët e sjellë në Shqipëri duhet të kthehen në Itali, pavarësisht se kërkesat e tyre për azil janë refuzuar nga komisionet territoriale.

LEXONI GJITHASHTU:

• 12 emigrantët në Gjadër do kthehen në Itali, mbërrin në Shëngjin anija për t’i marrë
• Marrëveshja me emigrantët, Gjykata e Romës: Të gjithë refugjatët të kthehen në Itali