Vendimi për targat, Andi Bushati: Reciprociteti një nga kuajt e betejës së Vetëvendosjes për vota

Analisti Andi Bushati shprehet se vendosja e reciprocitetit me targat është një nga betejat kryesore të Vetëvendosjes për të siguruar vota.

Sipas tij, vendimi është i drejtë pasi Serbia nga ana e saj nuk i njeh targat e Kosovës. Por, Bushati thotë se vendimi do të duhej të bëhej publik fillimisht dhe më pas të nisej zbatimi.

Bushati tha se Kryeministri i Kosovës, Albin Kurti ka zgjedhur këtë mënyrë për shkak se mund të paguante kosto politike në rast se vendimi nuk do të përfillej.

“Çdo politikan aq më pak në prag të zgjedhjeve ka përgjegjësinë ndaj shtetit por ka edhe një merak politik. Nëse nxjerr një urdhër dhe kthehet në bumerang se serbët në veri nuk e përfillin dhe kundërshtarët e tu politik në Prishtinë bëhen aleat me Serbinë dhe të sulmojnë, atëherë je i detyruar që të marrësh dhe masa force që vendimi të shkojë në vend”, deklaroi analisti.