F1 | Kryesore

Verstappen niset nga Pole Position në Australi, i 3-ti sezonal për kampionin në fuqi

23 Mars 2024 | 08:21

Max Verstappen siguroi pole position në provat zyrtare të Australian Grand Prix i ndjekur nga Carlos Sainz dhe Sergio Perez. Pas kohës 1’16’048s në xhiron e 1’rë të sesionit të 3’të kualifikues, Verstappen e përmirësoi në tentativën e fundit 1’15.915s.

Një diferencë prej 0.270s nga Sainz që impresionoi pas kthimit nga operacioni për apandesitin 2 javë më parë. Perez do të ndajë rradhën e dytë me rivalin nga McLaren, Lando Norris ndërsa Charles Leclerc u rendit i 5’ti pas braktisjes së xhiros së shpejtë në fundin e provave.

Idhulli vendas Oscar Piastri niset nga rradha e 3’të përkrah anglezit të Mercedes, George Russell që la pas japonezin Yuki Tsunoda. Binomi i Aston Martin, Lance Stroll dhe Fernando Alonso kompletuan 10 të parët në startin e garës

Në përfundim të sesionit të 2’të kualifikues, Lewis Hamilton u eleminua nga Tsunoda cka do të thotë se ai do të niset nga vendi i 11 pas një sesioni të vështirë për Mercedes. Në provat zyrtare të Australisë, Williams Racing mori pjesë me një makinë, pas incidentit të Albon në sesionin e 1’rë të provave të lira.

Kjo është renditja e plotë për garën e 3’të në botërorin e Formula 1 që do të zhvillohet në cirkuitin “Albert Park” në Melbourne të Australisë. Gara do të transmetohet të dielën në EuroNews Albania dhe IN Radio në 105.07 mhz duke filluar nga ora 05:00.