Verstappen i rezistoi Norris dhe fitoi në Spanjë

Max Verstappen arriti një sukses të rëndësishëm në “Spanish Grand Prix” pas triumfit në sfidën me fituesin e pole position, Lando Norris për fitoren e 3-të në 5 garat e fundit, të 7-ën sezonale dhe të 61-ën në karrierë.

“Spanish Grand Prix” u transmetua në Euronews Albania dhe IN Radio në 105.7 mhz. Piloti i Red Bull mori kryesimin në xhiron e 3-të pas një starti spektakolar të Mercedes dhe George Russell që u nisën nga vendi i 4-rt dhe morën kryesimin në kthesën e 1-rë.

Verstappen që nuk u lejua nga Norris të merrte kreun në kthesën e 1-rë e bëri këtë jo shumë prapa në kohë duke lënë pas Russell në të njëjtën pjesë të pistë në fundin e daljes nga bokset në kthesën e 1-rë. Norris që zhvilloi xhiron perfekte një ditë më parë, kaloi fazën e 1-rë të garës duke u përpjekur të parakalojë Russell.

Kryesuesi i garës ndryshoi disa herë për shkak të strategjive të ndryshme dhe hyrjeve në bokse, por Verstappen ruajti kontrollin dhe fitoi garën pas montimit të gomave të buta në hyrjen e dytë në ‘pit lane’.

Ndërsa Norris që u përpoq ashtu si në Kanada të rikuperonte në fund, duhet të kënaqen me vendin 2-të edhe për shkak të kohës së humbur në zëvendësimin e dytë të gomave për 3.6 sekonda. Mercedes u ngjit sërish në podium, këtë herë me Lewis Hamilton që u kthye në këtë pozicion për të 1-rën herë pas garës së Meksikës, vitin e kaluar. Makinat Ferraris të Charles Leclerc dhe Sainz e mbyllën garën aty ku e nisën në vendet 5 dhe 6 pasi Scuderia dështoi të materializonte përmirësimet në “Circuit de Barcelona-Catalunya”.

Ky është klasifikimi përfundimtar në garën e 10-të që u transmetua në Euronews Albania dhe IN Radio në 105.7 mhz:

1. Max Verstappen (Red Bull)
2. Lando Norris (McLaren)
3. Lewis Hamilton (Mercedes)
4. George Russell (Mercedes)
5. Charles Leclerc (Ferrari)
6. Carlos Sainz (Ferrari)
7. Oscar Piastri (McLaren)
8. Sergio Perez (Red Bull)
9. Pierre Gasly (Alpine)
10. Esteban Ocon (Alpine)
11. Nico Hulkenberg (Haas)
12. Fernando Alonso (Aston Martin)
13. Zhou Guanyu (Sauber)
14. Lance Stroll (McLaren)
15. Daniel Ricciardo (RB)
16. Valtteri Bottas (Sauber)
17. Kevin Magnussen (Haas)
18. Alex Albon (Williams)
19. Yuki Tsunoda (RB)
20. Logan Sargeant (Williams)

– Ky është klasifikimi i pilotëve (top 10) pas garës së 10’të:

1. Max Verstappen – 219
2. Lando Norris – 150
3. Charles Leclerc – 148
4. Carlos Sainz – 116
5. Sergio Perez – 111
6. Oscar Piastri – 87
7. George Russell – 81
8. Lewis Hamilton – 70
9. Fernando Alonso – 41
10. Yuki Tsunoda – 19

– Ky është klasifikimi i konstruktorëve pas garës së 10’të

1. Red Bull – 330
2. Ferrari – 270
3. McLaren – 237
4. Mercedes – 151
5. Aston Martin – 58
6. RB – 28
7. Alpine – 8
8. Haas – 7
9. Williams – 2
10. Sauber – 0