“Veterani” spanjoll tërhiqet pas 12 vitesh nga kombëtarja, 93 ndeshje me iberikët

Spanja duhet të gjejë një alternativë të re për krahun e majtë të mbrojtjes, me Jordi Albën që zyrtarisht nuk do të jetë më pjesë e iberikëve. 34-vjeçari ka vendosur zyrtarisht të lërë kombëtaren, ndërsa do të vijojë të jetë pjesë vetëm e Inter Miamit. Një veprim i tillë i përsëritur, pasi të njëjtën gjë bëri dhe veteran i mesfushës Sergio Busquets.

Pasi u largua nga Barcelona, me qëllim lirimin e hapësirës për të rinjtë, Alba ka marrë të njëjtin vendim edhe për La furia Roha. Luis De La Fuente e kishte planifikuar mbrojtësin si pjesë të skuadrës për rrugëtimin drejt Euro 2024, por duket se tani duhet të gjejë zëvendësuesin e tij. Alba iu bashkua kombëtares spanjolle në vitin 2011, ku ka luajtur plot 93 takime e madje shënuar 9 gola.

Anësori ka qenë lojtar kyç në trofetë e fituar, konkretisht Europianin e 2012 dhe Ligë ne Kombeve në edicionin që sapo u mbyll. Sipas shtypit spanjoll, vendimi është marrë pak ditë më parë, ndërsa është njoftuar federata dhe trajneri De la Fuente. Që prej 2008 Jordi Alba ka qenë pjesë e të gjitha ekipeve zinxhir të kombëtares, ndërsa ka luajtur 5 ndeshje dhe me Katalonjën.

LEXONI GJITHASHTU:

• Trajnerët kundër Rubiales, stafi i kombëtares së femrave kritika kreut të federatës
• Futbollistet braktisin Spanjën, shkak gjesti i Rubiales. Të pathënat e skandalit