VIDEO| 40-vjeçari dhunon rojen e moshuar të shkollës, Policia e heton të lirë

Një ngjarje e rëndë ka ndodhur në Elbasan, ku një 40-vjeçar ka dhunuar me grushta rojën e moshuar (70 vjeç) të një shkolle 9-vjeçare në sy të nxënësve.

Nga pamjet e siguruara nga Euronews Albania, duket se dhuna e ushtruar ndaj 70-vjeçarit ka qenë tejet brutale dhe e pajustifikuar, ndërkohë që Policia e ka hetuar autorin në gjendje të lirë.

Njoftimi i Policisë:

DVP Elbasan-Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetasin D. K., 40 vjeç, banues në Elbasan, pasi mesditën e djeshme, ka kallëzuar një shtetas 70 vjeç, se gjatë punës si roje e një shkolle 9-vjeçare, shtetasi D. K., për motive të dobëta, e ka goditur me shuplakë, në fytyrë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

• Nga dhuna ndaj nënës, te sherri me thikë dhe mjete të forta, çfarë ndodhi në Korçë
• Thirrje për rezistencë me dhunë ndaj policisë, tjetër organizatë në veri të Kosovës