VIDEO/ 7 minuta për të kryer vjedhjen në Luvër, pamjet kur autori thyen vitrinën

Bizhuteri të çmuara nga koleksioni i Napoleonit dhe Perandoreshës Eugenie u vodhën këtë të dielë nga Muzeu i Luvrit në Paris. Pamje nga momenti i vjedhjes po qarkullon në mediat sociale.

Autorët e krimit  dyshohet se ishin katër. Dy prej tyre ishin të veshur me jelekë të verdhë dhe hiqeshin si punëtorë. Në videon e publikuar duket njëri nga autorët e krimit, i veshur me jelek të verdhë dhe kapuç teksa hap kutitë e xhamit ku mbaheshin bizhueritë.

Ata thyen dy vitrina, xhevahiret e Napoleonit dhe xhevahiret e sundimtarëve francezë. Autorët vodhën një set bizhuterish, një gjerdan, vathë dhe dy kurora, përfshirë atë që i përkiste Eugenias.

Diamanti i famshëm “Régent”, më i madhi në koleksion, me peshë mbi 140 karat nuk përfshihet në objektet e vjedhura. Ky diamant i veçantë quhet edhe “i mallkuar”, pasi ata që e kishin në zotërim nuk patën një fund të mirë.

Sipas Ministrit të Brendshëm francez, Laurent Nunez, autorët e krimit kishin një plan shumë të mirëorganizuar, të cilin e ekzekutuan vetëm në 7 minuta.

Les images du cambriolage du Louvre (document BFMTV) pic.twitter.com/FciPpaXTMA

— BFMTV (@BFMTV) October 19, 2025