VIDEO| Aksident i shumëfishtë në Unazën e Madhe të Tiranës

Një aksident i shumëfishtë ka ndodhur pasditen e kësaj të shtune në Unazën Lindore të Tiranës. Aksidenti ka ndodhur në Unazën e Madhe në afërsi të mbikalimit që të çon në zonën e Selitës.

Siç shihet dhe nga pamjet e siguruara nga Euronews Albania, në aksident është përfshirë një taksi dhe 2 autovetura.

Si pasojë e aksidentit raportohet vetëm për dëme materiale, ndërkohë që kanë shpëtuar pa shumë lëndime drejtuesit e mjeteve.

Aksidenti ka shkaktuar radhë të gjatë mjetesh që shkojnë nga mbikalimi i Selitës deri tek mbikalimi që të çon në Astir.

Policia dhe grupi hetimor ndodhet në vendngjarje dhe po punon për zbardhjen e rrethanave të aksidentit.