VIDEO/ Arrestohet nga RENEA një nga personat që dhunuan gardianin e burgut të Fierit

Një nga autorët e dyshuar për dhunimin e një punonjësi të burgut të Fierit është vënë në pranga nga forcat speciale RENEA, në kuadër të një operacioni të zhvilluar në bashkëpunim me Policinë e Fierit.

Në njoftimin zyrtar thuhet se është arrestuar shtetasi Eldi Nure, 38 vjeç, banues në Fier, i shpallur në kërkim për ngjarjen e ndodhur më 11 mars 2025, ku një punonjës i IEVP Fier u godit me grushte për shkak të detyrës.

Sipas hetimeve, Nure ka vepruar në bashkëpunim me shtetasit Marteos Pasho i cili është arrestuar në qershor, A. M. dhe E. R., ku këta dy të fundit vijojnë të jenë në kërkim.

Gjykata e Fierit ka caktuar ndaj tij masën e sigurisë “Arrest në burg” për veprën penale “Goditja për shkak të detyrës”, kryer në bashkëpunim.

Policia bën me dije se vijon puna për kapjen e bashkëpunëtorëve të tjerë në këtë ngjarje, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Me qëllim ndalimin e shtetasve të implikuar në rastin e datës 11.03.2025, kur u godit me grushte, për shkak të detyrës, një punonjës i IEVP Fier, Renea kapi një prej autorëve të dyshuar, shtetasin E. N., 38 vjeç, banues në Fier. pic.twitter.com/r6vTMq8eHa

— Euronews Albania (@EuronewsAlbania) September 6, 2025

Njoftimi i policisë

“Në vijim të kontrolleve të mbështetura te informacionet e siguruara në rrugë policore, me qëllim ndalimin e shtetasve të implikuar në rastin e datës 11.03.2025, kur u godit me grushte, për shkak të detyrës, një punonjës i IEVP Fier, shërbimet e Policisë së Fierit në bashkëpunim me forcat e Njësisë Speciale Renea, kapën dhe ndaluan një prej autorëve të dyshuar, shtetasin E. N., 38 vjeç, banues në Fier.

Në muajin mars 2025, Gjykata e Fierit i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim.

38-vjeçari akuzohet se në bashkëpunim me shtetasit M. P., A. M., dhe E. R., ka goditur me grushte, për shkak të detyrës, një punonjës të IEVP Fier ndërkohë po punohet për kapjen e shtetasve të shpallur në kërkim.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, thuhet në njoftim.

LEXONI GJITHASHTU:

• Goditi punonjësin e burgut të Fierit, arrestohet autori, i dënuar më parë për vrasje
• EMRAT/ Kush janë bashkëpunëtorët e Dan Hutrës që tentuan të arratisen nga burgu