VIDEO | Arrin në 2 km trafiku i makinave në rrugën e Rinasit

Këtë të premte, trafiku i makinave drejt aeroportit të Rinasit arrin në 2 kilometër.

Gazetarja Ortensa Budlla raporton se trafiku i makinave është krijuar në kahun lëvizës në drejtim të Rinasit. Ndërsa rruga nga aeroporti për në Qafë-Kashar është e lirë.

Shkak i kësaj situate është rreth-rrotullimit pranë aeroportit, ku makinat presin radhën për të kaluar.

Një ditë më parë, ARRSH-ja njoftoi se qarkullimi në rrugën drejt aeroportit të Rinasit do të jetë me 2 kahe lëvizjeje.

ARRSH-ja apeloi që të gjithë drejtuesit e mjeteve që vijnë nga veriu, të përdorin akset alternative për të mos rënduar trafikun në rrugën që të çon drejt aeroportit të Rinasit.

Për 3 ditë me radhë banorët e fshatrave rreth aeroportit të Rinasit protestuan për vendimin e ARRSH-së për kalimin e mjeteve vetëm me një sens drejtimi drejt aeroportit.

Ata deklaruan se u detyruan që të kryenin më shumë kilometra rrugë për të shkuar në destinacionet e tyre.

LEXONI GJITHASHTU:

• Rruga e Rinasit me 2 kahe lëvizjeje, njofton ARRSH
• Balluku: Drejtuesit e automjeteve drejt Veriut të shmangin ‘Rinasin’