Video disa metra larg autobusit, momenti kur urbani merr përpara 10 automjete

Një aksident i shumëfishtë ka ndodhur sot në zonën e Shallvareve. 9 makina dhe autobusi i linjës së “Unazës” janë përfshirë.

Euronews Albania ka siguruar filmimin nga një makinë e cila ka qenë shumë afër aksidentit. Nga pas shihet se si autobusi ka marrë përpara 10 makina.

Ai është përplasur fillimisht me një mjet tip “Audi”, “Audi” ka përplasur Porsche-n” dhe më pas është përfshirë edhe pjesa tjetër e makinave.

Dëshmia paraprake e shoferit të autobusit tregon se ai vuan nga zemra dhe nga diabeti. Sipas tij, në momentin e aksidentit nuk ka qenë i vetëdijshëm.

“Nuk e mbaj mend fiks çfarë ka ndodhur në atë moment. Vuaj nga zemra dhe nga diabeti,” – ka deklaruar shoferi.

LEXONI GJITHASHTU:

• “Nuk mbaj mend asgjë, vuaj nga zemra”, flet shoferi i autobusit të Unazës
• VIDEO| Si vajza i shpëtoi mrekullisht përplasjes, autobusi shkaktar i aksidentit