Video ekskluzive/ Momenti kur shpëtohet 83-vjeçari që tentoi të vetëmbytej në Drin

Një 83-vjeçar ka tentuar të vetëvritet këtë të martë duke u hedhur në lumin Drin, por është shpëtuar në kohë nga patrulla e përgjithshme e Komisariatit të Policisë Shkodër.

Euronews Albania ka siguruar videon ekskluzive të momentit të shpëtimit të 83-vjeçarit. Ai u shpëtua nga dy efektivët, Kristi Koçeku dhe Samet Qotaj, ata nëpërmjet një varke kanë arritur ti shpëtojnë jetën të moshuarit.

Kalimtarë të rastit gjithashtu tentuan të ndalojnë hedhjen e të moshuarit nga ura, por kjo rezultoi e pasukseshme, pasi 83-vjeçari tentoi vetëmbytjen duke u hedhur nga ura e Baçhallëkut.

Sipas informacioneve i moshuari është transportuar me autoambulancë në Spitalin Rajonal Shkodër për të marrë asistencën mjekësore të nevojshme. Policia po vazhdon hetimet për rrethanat e ngjarjes.

LEXONI GJITHASHTU:

• Hidhet në lumin Drin t’i japë fund jetës, policia shpëton 83-vjeçarin
• “Më kishte 200 mijë lekë borxh”- Dëshmia e 39-vjeçarit që masakroi me thikë fqinjin