“Më kishte 200 mijë lekë borxh”- Dëshmia e 39-vjeçarit që masakroi me thikë fqinjin

I moshuari në Durrës u vra nga fqinji i tij pas një sherri për një borxh. 82-vjeçari Paulin Gina u qëllua me thikë nga 39-vjeçari Fatjon Janina, i cili është arrestuar për ngjarjen e rëndë.

Policia e Durrësit ka identifikuar dhe ka arrestuar autorin e vrasjes së 82-vjeçarit Paulin Gina, i cili u gjet i masakruar me thikë në banesën e tij në lagjen nr. 16 të qytetit bregdetar. Autori i ngjarjes së rëndë është fqinj i viktimës, 39-vjeçari Fatjon Janina, i cili u vu në pranga.

Viktima u godit me thikë pas një sherri për një borxh prej 20 mijë lekësh, që autori pretendon se i detyrohej.

Mjetet e krimit u fshehën nga autori, i cili gjithashtu mbylli derën e banesës së viktimës me çelës nga jashtë për të shmangur zbulimin e krimit. Policia kreu një kontroll në banesën e autorit të dyshuar, ku u gjetën dhe u sekuestruan si prova materiale 2 thika, 1 çekiç, dhe veshje të mbushura me gjak, të cilat dyshohet se i ka përdorur autori gjatë kryerjes së krimit.

Në dëshminë paraprake, 39-vjeçari që tashmë akuzohet për vrasje me dashje, ka deklaruar se viktima e ka ofenduar dhe ka tentuar ta godasë me çekiç.

LEXONI GJITHASHTU:

• Masakrimi me thikë i 82-vjeçarit , çfarë dihet nga ngjarja: Bie pista e grabitjes
• Gjendet i masakruar me thikë në trup dhe fytyrë 82-vjeçari në Durrës