VIDEO| I grabiti çantën qytetares në Vlorë, arrestohet 40-vjeçari

Një 40-vjeçar i cili i vodhi me dhunë çantën një qytetareje në Vlorë është arrestuar.

Policia ka dokumentuar dhe 7 vjedhje të tjera të kryera nga i njëjti shtetas.

Vjedhja e çantës është kryer më 10 maj dhe në po të njëjtën datë, 40-vjeçari ka vjedhur produkte të ndryshme në një lokal në lagjen “1 Maji”.

Nga veprimet hetimore dyshohet se ky shtetas është autor edhe i disa ngjarjeve të tjera në fushën e vjedhjes së pronës dhe pasurisë, konkretisht:

1.Më datë 18.04.2023, në lagjen “24 Maji”, dyshohet se ka vjedhur disa dritare të një objekti;

2.Më datë 13.03.2023, në lagjen “24 Maji”, dyshohet se ka vjedhur disa kabllo elektrike, në një magazinë;

3. Më datë 26.02.2023, në lagjen “1 Maji”, dyshohet se ka tentuar të vjedhë një market;
4. Më datë 23.02.2023, në lagjen “29 Nëntori”, dyshohet se ka vjedhur pajisje elektroshtëpiake, në një banesë;
5. Më datë 14.02.2023, në lagjen “Lef Sallata”, dyshohet se ka tentuar të vjedhë në një dyqan;
6. Më datë 21.01.2023, në lagjen “Pavarësia”, dyshohet se ka vjedhur aparatin celular të një shtetasi.

Policia njofton se puna për dokumentimin e vjedhjeve të tjera që mund të jenë kryer nga ky shtetas, vijon.

LEXONI GJITHASHTU:

• Tentoi të vriste të moshuarën dhe nipin e saj, kapet 51-vjeçari nga Kosova në Vlorë
• EMRI| I dënuar për vrasje në ‘96, arrestohet në portin e Vlorës 45-vjeçari