VIDEO/ Kurti: Po përpiqem të edukoj Ramën dhe ndërkombëtarët me aftësitë e mia

Kryeministri i Kosovës, Albin Kurti në një bashkëbisedim me shqiptarët në Federatën Pan-Shqiptare VATRA në New York ka folur për marrëdhënien e tij me homologun e tij shqiptar, Edi Rama. Kurti gjatë fjalës së tij u shpreh se ai po përpiqet që të “edukojë” Ramën dhe aleatët ndërkombëtarë.

Ai theksoi se dallimet me Ramën, ashtu si me ndërkombëtarët kanë të bëjnë rreth qëndrimit karshi Serbisë.

“Unë kam dallime me kryeministrin Rama, kam dallime jo rrallë edhe me partnerët tanë. Por në përgjithësi, mund të them që këto dallime kanë të bëjnë për qëndrimin karshi Beogradit zyrtar. Aty dallojmë. Këtu po dallojmë. Nuk mund ta fsheh këtë gjë.

Unë përpiqem që t’i informoj e t’i formoj e t’i edukoj me të gjitha aftësitë e mia, por ato nuk janë të pakufishme. Prandaj, dallimet që i kemi, i kemi vetëm sa i përket qëndrimeve dhe qasjeve tona karshi Serbisë”, tha ai.

“Po edukoj Ramën dhe ndërkombëtarët”, deklarata e fortë e Kurtit

Kryeministri në detyrë i Kosovës, Albin Kurti në një bashkëbisedim me shqiptarë në Federatën Pan-Shqiptare VATRA në New York ka folur për marrëdhënien e tij me Edi Ramen dhe marrëdhënien e tyre të tensionuar. pic.twitter.com/aQUTMZL36T

— Euronews Albania (@EuronewsAlbania) October 28, 2025

LEXONI GJITHASHTU:

VIDEO/ Vrasësi i policit ikën me motor, kapet pas përplasjes nga makina e oficerit

Aksidentoi për vdekje të riun me motor, arrestohet shoferi, policia: Ishte i dehur