VIDEO/ Makina përfundon në pishinë, shpëtohen nga mbytja nënë e bijë në Francë

Një nënë dhe vajza e saj u shpëtuan nga mbyta në Francë pasi mjeti i tyre humbi kontrollin dhe ra në një pishinë në një qendër sportive. Aksidenti i rëndë ndodhi të mërkurën në mbrëmje në La Ciotat, pranë Marsejës.

Sipas autoriteteve lokale, shoferja 38-vjeçare po përpiqej të manovronte makinën e saj, një Jaguar XF, në parkingun e qendrës sportive kur dyshohet se ngatërroi frenën me pedalin e gazit. Mjeti humbi kontrollin dhe më pas u përplas me fasadën prej xhami përpara se të përfundonte në pishinën e brendshme 25 metra të gjatë. Në kohën e aksidentit, rreth 20 persona ishin në ujë.

Nëna dhe vajza e saj 5-vjeçare mbetën të bllokuara brenda makinës, e cila u fundos në pishinë. Dy roje bregdetare, me ndihmën e një qytetari që ndodhej në vendngjarje, arritën t’i nxirrnin dy pasagjerët nga automjeti duke parandaluar fatkeqësinë.

Një burrë pësoi lëndime të lehta nga thyerja e xhamit, ndërsa nëna dhe fëmija u dërguan në spital por janë në gjendje të mirë shëndetësore.

A car crashed into a municipal swimming pool in La Ciotat, France, with lifeguards rescuing a 38-year-old woman and her five-year-old daughter from the submerged vehicle pic.twitter.com/1OTLOdlyNs

— Reuters (@Reuters) December 12, 2025

LEXONI GJITHASHTU:

• Dibra ndez dritat e fundvitit, hapet atmosfera magjike e festave
• Aksidenti në tunelin e Pogradecit, arrestohet shoferi i dehur! Pasagjeri te Trauma