VIDEO/ Mijëra shqiptarë në Sheshin e Flamurit në Vlorë për 110 vjetorin

Mijëra shqiptarë janë mbledhur sot në Vlorë për të festuar 110 vjetorin e pavarësisë. Në pamjet e siguruara nga Euronews Albania shfaqen me qytetarët në “Sheshin në Flamurit”, në pritje të zhvillimit të ceremonive në këtë ditë të rëndësishme për kombin shqiptar.

Të rinj, fëmijë, burra, gra dhe të moshuar kanë përzgjedhur sot Vlorën për të festuar.

Shpallja e Pavarësisë së Shqipërisë ishte kurorëzim i përpjekjeve shekullore dhe luftërave të pareshtura që bënë shqiptarët për çlirimin e vendit.

Pas shpalljes së Pavarësisë, më 28 nëntor 1912 u formuan edhe organet shtetërore, u ngritën forcat e armatosura dhe ato të rendit dhe nisi puna për konsolidimin e arsimit, shëndetësisë, administratës, etj.

Qeveria e Vlorës vuri gurët e parë për krijimin e një sistemi gjyqësor sipas modeleve evropiane. Gjuha shqipe u shpall si gjuhë zyrtare dhe u vendos hapja e shkollave shqipe prej vjeshtës 1914.

Akti më i rëndësishëm juridik që nxori Qeveria e përkohshme e Vlorës ishte “Kanuni i përkohshëm i administratës civile të Shqipërisë”, që u botua në nëntor 1913.

Ismail Qemali u dëshmua si njeriu qe vuri themelet e shtetit mbi vlera perëndimore.

LEXONI GJITHASHTU:

• Shqiptarët kremtojnë sot 110 vjetorin e shpalljes së pavarësisë
• Xhaçka: Shqipëria sot kontribuese e denjë në sfidat që prekin mbarë botën
• VIDEO| Një avion përplaset në linjat e energjisë, 120 mijë njerëz në errësirë