VIDEO/ Milan përmbys Torinon dhe ngjitet në krye të Serisë A

Një ndeshje e jashtëzakonshme ka qenë ajo e fillimjavës në kampionatin italian, ku Torino u përball në shtëpi me Milanin, me kuqezinjtë që morën një fitore të rëndësishme sa i përket garës për titull.

Një duel që i kishte të gjitha, por në fund ishin milanezët të cilët festuan një fitore vërtet të veçantë, me trajnerin Allegri që e ndoqi ekipin nga tribuna.

Torinezët e nisën në mënyrën më të mirë të mundshme, duke gjetur avantazhin me Vlasic. Në minutën e 17-të dyfishuan me të përhershmin Zapata dhe dhanë idenë se do të ishin 3 pikë të lehta përballë 7 herë fituesve të Champions League.

Në fakt, ndodhi krejt e kundërta, pasi Milan bëri një superpërmbysje. Fillimisht një eurogol i mesfushorit Rabiot pas një goditjeje nga distanca, që e mbylli pjesën e parë në disavantazh 2-1.

Pulisic mbetet lojtari më në formë i Milanit, heroi i ballafaqimit me torinezët, pasi ishte amerikani që realizoi një dygolësh në pjesën e dytë për të vulosur fitoren 2-3 dhe për t’i dhënë skuadrës së tij 3 pikët e radhës.

31 në total, dhe Milan e sheh veten i pari, duke udhëhequr garën, por me pikë të barabarta me kampionët në fuqi, të cilët renditen të dytët, por me golaverazh më pozitiv.