VIDEO/ Momenti kur merr flakë fusha e mbetjeve në Vlorë, çfarë dyshohet

Euronews Albania ka siguruar pamjet filmike që tregojnë momentin e parë të përhapjes së zjarrit në fushën e mbetjeve në Vlorë.

Në video dallohet qartë se vatra e zjarrit nis fillimisht nga një eskavator që po punonte në terren, ndërsa më pas flakët përhapen me shpejtësi në të gjithë zonën, të ndihmuara edhe nga era.

Dyshimet e para janë se zjarri është vendosur qëllimisht. Policia ka administruar pamjet filmike dhe po i përdor ato për të identifikuar dhe ekspertuar personin ose personat përgjegjës për zjarrvënien, që sipas të dhënave paraprake, ka nisur pikërisht nga mjeti i rëndë.

Ky është rasti i disatë me radhë për këtë vit që fusha e mbetjeve në Vlorë përfshihet nga flakët në mënyrë të dyshimtë, duke shtuar shqetësimet për qëllimet dhe motivet pas këtyre ngjarjeve.