VIDEO | Pamje me dron nga sipërfaqja e përmbytur në Shkodër

Sipërfaqe të përmbytura dhe ujë që rrethon banesat. Është kjo pamja që të ofron zona fushore e nën Shkodrës, pas shirave të rrëmbyeshme që kanë përfshirë vendin prej disa ditësh.

Përmes pamjeve me dron të sjella nga Euronews Albania, shihet se një sipërfaqe e konsiderueshme ndodhet nën ‘pushtetin’ e ujit.

Gjithashtu, shihet se disa automjete të ushtrisë janë pozicionuar në një pjesë të rrugës ku nuk ka shumë ujë, teksa qëndrojnë në gatishmëri.

Prej disa ditësh, moti i keq ka përfshirë vendin dhe Shkodra mbetet një nga qarqet më problematike.

Në një intervistë për Euronews Albania ditën e djeshme, kryebashkiaku i Shkodrës, Bardh Spahia deklaroi se është përmbytur një sipërfaqe prej më shumë se 2 mijë hektarësh dhe se mbi 30 familje janë evakuuar.

Sipas tij, kjo situatë kërkon edhe shpalljen e gjendjes së emergjencës.

Ndërkaq, ministrja e Shtetit për Marrëdhëniet me Parlamentin, Elisa Spiropali, po për Euronews Albania, tha nga Oboti i Shkodrës se të gjitha strukturat janë në gatishmëri.

LEXONI GJITHASHTU

• Përmirësohet situata nga përmbytjet në Shkodër e Lezhë, MM: Orët në vijim, kritike
• Përmbytjet, 9 deputetë të PD-së kërkojnë interpelancë urgjente me Ramën
• Berisha për përmbytjet: KESH kreu krim, nuk njoftoi që po hapte turbinat