VIDEO/ Sekuestrohen 60 kg kanabis, arrestohet 52-vjeçari në Fushë Krujë

Një 52-vjeçar ka rënë në prangat e forcave operacionale pasi është kapur në flagrancë duke transportuar me një automjet 6 thasë me lëndë të dyshuar cannabis sativa, me peshë totale 60 kilogramë.

Policia e shtetit njofton se në sajë të operacionit “Cargo” u vu në pranga 52-vjeçari Afrim Meça, me banim në Krujë, i cili u kap në flagrancë në fshatin Luz të Fushë-Krujës, duke transportuar me automjet lëndën narkotike, me qëllim shitjen.

Nga hetimet dyshohet se lënda narkotike (me vlerë rreth 60,000 euro) do të shitej në doza të vogla në qytetin e Krujës dhe në Tiranë.

Lënda narkotike u sekuestrua në cilësinë e provës materiale, bashkë me automjetin dhe një celular, ndërsa vijojnë hetimet për dokumentimin e plotë të kësaj veprimtarie kriminale dhe identifikimin e shtetasve të tjerë të përfshirë.

Materialet procedurale i kaluan Prokurorisë për veprime të mëtejshme, për veprën penale “Prodhimi dhe shitja e narkotikëve”.