Gazetari Eni Ferhati i ftuar në emisionin ‘Now me Erla Mëhillin’ në Euronews Albania , foli në lidhje me vendimin e Gjykatës së Tiranës që dënoi me 3 vite burg ish-kreun e Bashkisë së Kukësit Safet Gjici dhe me një vit burg Alma Kaçin, pas video skandalit duke kryer marrëdhënie intime në zyrën e Bashkisë.
Ai tha se vendimi Gjykatës ishte i sforcuar, ndërsa shtoi se së fundmi Kaçi në deklarimet që ka dhënë implikon dhe persona të tjerë.
Sipas tij duhet të ishte hetuar dhe Abedin Oruçi, duke qenë se emri i tij është përmendur dhe në deklaratën e Gjicit por dhe të Kaçit.
“Vendi mi i Gjykatës më është dukur i sforcuar. Në deklarimet që ka dhënë Alma Kaçi implikon dhe persona të tjerë në këtë çështje, si Abedin Oruçi, por dhe personazhe të tjerë mediatik.
Ajo ka dhënë një deklarim që e rëndon më shumë këtë që e them unë, që nuk është bërë një hetim shterues. Duhet të ishte bërë një hetim më i thelluar. Dhe fakti që Abedin Oruçi nuk po hetohet bazuar në deklaratën që ka dhënë dhe Safet Gjici ku ka thënë se kanë pasur konflikte”-tha ai.
LEXONI GJITHASHTU:
- Çani: Me bastet do ketë konflikte, ves është edhe industria e bardhë, edhe e zeza
- “Sëmundja ka mbërthyer opozitën”, Spiropali: S’ka tolerancë për thyerje rregullash
